Блокирана жиро сметката на Општина Гостивар

Општина Гостивар од утрово е со блокирана жиро сметка. Градоначалникот Арбен Таравари изјави дека сметката била блокирана од извршител, за неисплатени додатоци на плати на вработени во Противпоражната единица од 2015 до 2017, период кога тој не бил на чело на општината. Се работи за вкупна сума од 100 илјади евра.

Блокирањето на жиро сметката во услови на вонредна состојба, Таравари го нарече скандалозен потег.

„И покрај ова, им велам на граѓаните да бидат комотни, затоа што ќе ја надминеме оваа состојба и покрај тоа што се случува во многу тежок период, на една институција да му се блокира сметката и тоа е скандалозно“, изјави градоначалникот Таравари.

Градоначалникот оцени дека периодов поради вонредната состојба, приходите на општината се намалени, и жиро сметката најверојатно ќе остане блокирана 10 до 15 дена.

Таравари побара надлежните институции да го разгледаат случајот и соодветно да реагираат, со оглед дека Владата има донесено уредба за стопирање на извршувањето. 

error: Content is protected !!