Во Гостивар формирано Здружение за поддршка на деца со аутизам

Семејствата од гостиварското коишто имаат деца со аутизам, отсега со заеднички сили ќе се справуваат со предизвиците и проблемите. Борбата за поголема поддршка и вклученост, ќе ја водат преку новоформираното Здружение на лица со аутизам наречено „Blue puzzle“. Целите, работата и плановите на Здружението беа промовирани на посебен настан што се одржа во општинската сала.

„Раното препознавање и дијагностицирање на аутизмот е многу важно за правилно да му се помогне на детето. Во таа насока, мора да се надминат предрасудите и срамот и сите сили да се насочат за доброто на дечињата“, рече Милена Велјаноска, дефектолог, соработник на Здружението.

На настанот свое обраќање имаше и градоначалникот на Гостивар, Арбен Таравари.

„Како општина целосно ја даваме својата поддршка на родителите и децата. Работиме во насока на обезбедување на посебен Центар за децата со аутизам и посебни потеби, кој е планирано да биде отворен во поранешните простории на „Јахја Ќемал““, изјави Таравари.

Претседател на Здружение е Валон Емини, кој и самиот е родител на дете со аутизам. Тој потенцираше дека прецизна статистика за состојбата со аутизмот во Гостивар за сега не постои, но претпоставките се дека има околу 200 деца со аутистичен спектар на нарушувања.   

error: Content is protected !!