Во тетовско 14, во гостиварско 12 новозаболени со ковид

Летово 2020-та година за граѓаните несомнено е како ниедно друго до сега. Наместо шетање и одмори, во центар на вниманието ги имаат ковид пандемијата и изборите. Така е и со информациите и вестите.

Во полошкиот регион продолжува да расте бројката на заразени со корона. Изминатото  деноноќие во регионот на Тетово се потврдени 14 нови случаи, додека на подрачјето на Гостивар 12.  Тетовско подолго време се смета за жариште, а во гостиварско состојбата доби посериозна дименезија во изминатите две недели.  

„Состојбата во Гостивар е релативно сериозна, но во однос на другите општини имаме помал број на заболени. Во трите општини Гостивар, Врапчиште и Маврово Ростуше заклучно со вчерашната статистика има 90 активни случаи, од кои 18 се хоспитализирани, а останатите се на домашно лекување. Ќе повторам, треба да се живее со вирусот и да се придржуваме на основните правила: хигиена, маски и дистанца.“, вели градоначалникот на Гостивар, Арбен Таравари.

Според Таравари, во целата земја ситуацијата со ширењето на вирусот е надвор од контрола, а особено загрижува високата стапка на морталитет.

„Последниот период дефинитивно нема контрола во ситуацијата во целата држава. И морталитетот расте енормно, ако споредите со другите земји од регионот, сите тие заедно имаат помал морталитет отколку Македонија. Сега е и период на избори и кампања и тоа ќе влијае бројката да расте“, нагласи градоначалникот.

Во последните регистрирани случаи има и вработено лице од одделението на УЈП во Гостивар. По спроведените епидемиолошки анкети се очекува 3 вработени да одат во задолжителна изолација. Во службата денес се изврши дезинфекција и најверојатно од утре ќе се продолжи со работа.  

error: Content is protected !!