Во четврток ќе се одржи Меморијален марш за несреќата кај Ласкарци

Во спомен на жртвите во трагичната автобуска несреќа кај Ласкарци, што се случи лани на 13-ти февруари, во четврток ќе се одржи меморијален марш. Иницијативата доаѓа од група планинари, а ќе биде поддржана од Општина Гостивар.

Маршот во должина од околу 55 километри ќе започне на местото каде што се случи автобуската несреќа кај Ласкарци, а ќе заврши на градскиот плоштад во Гостивар.

-Покрај сеќавање на жртвите од трагедијата, со овој марш имаме намера да испратиме порака до надлежните државни институции да ги преземат сите неопходни мерки за поголема безбедност во патниот сообраќај, како и да ги сензибилизираме сите учесници во сообраќајот вакви трагедии да не се повторат, велат организаторите.

Општина Гостивар ги повика граѓаните што помасовно да учествуваат на маршот, а градоначалникот Арбен Таравари најави дека ќе биде дел од него.

Powered by Live Score & Live Score App