Втор протест во Тетово против поскапувањето на струјата


Notice: Undefined variable: args in /home/kissmenada/public_html/wp-content/plugins/opt_v189srq/ark-relatedpost.php on line 371

Неколку илјади граѓани вчеравечер маршираа до градскиот плошта во Тетово, реализирајќи го вториот протест во знак на револт заради поскапувањето на електричната енергија. Граѓаните се гневни и разочарани, рече Аријанит Џафери од невладината „Еко Герила“.

Барањата на организацискиот одбор се: Регулаторната комисија веднаш да ја став вон сила одлуката за зголемување на цената и да ја намали цената за 46 отсто. Второ, Владата да го укине монополот на услугите за ЕВН и да стави крај на нечовечкото однесување кон потрошувачите, како и да го намали данокот на додадена вредност од 18 на 5 отсто. Собранието да ја укине Регулаторна комисија бидејќи служи само за апетитите на бизнис групациите кои сериозно го оштетуваат семејниот буџет на сиромашните граѓани. Последно четврто барање е Собранието да формира независен арбитрарен орган кој ќе го верификува квалитетот на услуги и ќе адресира поплаките на граѓаните на ваквите корпоративни рекетарски компании.