Дваесет и седум годишната Моника Ѓорѓевиќ е „Вешта жена 2020“ во Гостивар

Викендов во Гостивар по осми пат се одржа манифестацијата Вешта жена, настан кој ги собира припадничките на понежниот пол на едно место, со цел да покажат што знаат и умеат со храната, но и да се дружат и забавуваат.

За победник беше прогласена 27 годишната Моника Ѓорѓевиќ. Нејзината свечена трпеза беше посветена на симболите и обичаите за празникот „Свети Трифун“.

„Уживам кога готвам. Со оглед дека професонално се занимаван со готвење, правам торти, воопшто не ми беше тешко да ги подготвам специјалитетите и да ја декорирам масата“, рече Моника.

Покрај неа, во натпреварувачкиот дел учествуваа и гостиварките: Наташа Србиноска со трпеза „Свети Валентин“ и Билјана Максимоска со трпеза „Цветна градина“

На манифестацијата имаше и две гран при трпези, подготвени од гостиварки кои се дел од Вешта жена од самиот почеток, Мирјана Србиноска со трпеза насловена „Ѕвезда водилка“ и Елизабета Питулкова со „Изгубеното богатство“.

Карванот Вешта жена 2020-та почна токму со манифестацијата во Гостивар.

„Од Гостивар го почнавме овогодинешното патување со манифестациите Вешта жена низ целата држава. Гостиварки, како и секогаш се покажаа како многу креативни, умешни и позитивни, им благодарам што донесоа убавина и ведрина во целиот настан“, рече Снежана Стојановска, претседател на здружението Вешта жена.

Победничката Моника ќе го претставува Гостивар на Републичкиот напревар за Вешта жена.

error: Content is protected !!