Задолжителна заштита и дезинфекција пред влегување во маркет

Задолжително носење заштитна маска и дезинфицирање на рацете на самиот влез од маркетот. Ова се мерките кои се преземаат низ тетовските маркети, а работното време е скратено во согласност со полицискиот час. Владимир Димовски од „Жито Маркет“ вели дека се почитуваат мерките кои ги донесе Владата, а тие се грижат да нема големи гужви со потрошувачи.

„На влезот има редар кој се грижи за редот на влегување. Влегуваат неколку потрошувачи, а другите ќе почекаат надвор. Задолжително ги дезинфицираат рацете на влезот, а мораат да носат и маска. Внатре се обидуваме да одржуваме растојание од 2 метри помеѓу купувачите, а работиме во две смени, се разбира со скратено работно време заради полицискиот час“, вели Зоран Димовски, менаџер на маркет.

По завршувањето на смените, просториите во маркетот се чистат и дезинфицираат, активност која вработените ја извршуваат секојдневно.

error: Content is protected !!