Затворен угостителски објект во Тетово, приведен сопственикот

Нa 08.03.2021 во 21.50 часот, полициски службеници од СВР Тетово во содејство со инспектори од Државен пазарен инспекторат извршиле контрола во угостителски објект на автопатот Тетово-Скопје, при што било констатирано непочитување на работното време, односно во објектото биле затекнати 13 лица – гости.

Објектот бил затворен од Државниот пазарен инспекторат, а управителот на објектот од Тетово бил лишен од слобода и задржан во полициска станица. По целосно документирање на случајот ќе биде поднесена пријава по член 206 од Кривичниот законик – „непостапување според здравствените прописи за време на епидемија“.