Крводарителна акција во Службата за трансфузиологија

Дарителите на крв ги има и се во солиден број. Службата за трансфузиологија денес организираше вонредна крводарителна акција за да се соберат доволно единици крв, која во овој период е и повеќе од потребна. Училиштата беа затворени, па редовните крводарителни акции беа одложени. Затоа, се организираат вонредни акции со цел да се надополнат залихите со крв, особено од крвните групи со негативни фактори.

„Работиме на тоа постојано да бидеме снабдени со доволно единици крв, особено од крвните групи со негативен фактор. За среќа, има заинтересирани дарители, па особено сме ги повикале оние со поретки крвни групи, да даруваат сега бидејќи ова е период кога секоја капка крв е добредојдена. Освен како надополнување во телото, во сегашната медицина и компонентите од крвта се користат и како лек“, изјави доктор Ирфан Бафтијари, специјалист трансфузиолог.

Од Службата за трансфузиологија информираа дека ситуацијата ќе се следи, па во зависност од потребите ќе се организираат и други вакви акции.

error: Content is protected !!