Кризата ја истенчи буџетската каса на Општина Гостивар

Пандемијата на Ковид 19 удри по буџетот на општините. Градоначалникот на Гостивар, Арбен Таравари соопшти дека во март, гостиварската локална самоуправа бележи намалување на приходите за 71%, во однос на истиот месец минатата година. Тоа ќе влијае и врз реализацијата на инвестициите. Периодов ќе се работи само на помали и итни зафати.

„Ова е огромен хендикеп за општината. Луѓето сега не инвестираат и не ги плаќаат сите обврски, па затоа се јавуваат овие проблеми. Од таа причина и ние не планираме некои поголеми проекти овој период, ќе се реализираат само поситни неопходни зафати.“ изјави Таравари.

Таравари смета дека централната власт треба да излезе во пресрет на општините со финансиска поддршка преку заеми со ниска камата.

Инаку, буџетот на Општина Гостивар за 2020-та година  е проектиран на околу 18,5 милиони евра. Од нив над 3 милиони евра се предвидени за капитални инвестиции. Какви измени во општинската каса ќе предизвика коронакризата останува да се види.

error: Content is protected !!