Мешање на лицата со Ковид-19 и останатите пациенти во амбулантите на матичните лекари


Notice: Undefined variable: args in /home/kissmenada/public_html/wp-content/plugins/opt_v189srq/ark-relatedpost.php on line 371

Матичните амбуланти не може да се трансформираат во Ковид центри, ниту во дневни ковид болници. Матичните лекари се грижат не само за пациентите со Ковид-19, туку и за редовните пациенти кои се соочуваат со низа различни здравствени тековни, но и хронични заболувања. Матичните лекари посочуваат на оптимално решение.

„Има голема конвергенција на пациентите за време на целата пандемија. Покрај пациентите со симптоми на Ковид-19, кај матичните лекари има голем број и на пациенти со други заболувања, хронични или тековни, или пак некои случаи кои бараат лекарски третман. Не може матичните амбуланти да станат ковид центри, треба пациентите со Ковид-19 да се испратат на едно место каде што можеби би се вовело дежурство на матичните лекари и слично, па таму да се водат пациентите и да се прават потребните анализи и прегледи. На ваков начин само се оптоварува примарното здравство и најголемиот данок го плаќаат самите пациенти“, вели д-р Тимосије Јованоски, лекар по општа медицина.

Веќе подолго време земјава се соочува со есенски бран од Ковид-19, а здравствениот систем е под голем притисок. Тетово е меѓу првите градови во земјава сзо најмногу заболувања досега, но и висок број на активни случаи.