Младинските фудбалски школи апелираат за помош!

Тренерите и лицата ангажирани во 50-тина младински фудбалски школи во земјава испратија заедничко барање до Фудбалската Федерација на Македонија и Агенцијата за Млади и Спорт во кое бараат видеоконференциски состанок, се со цел да се изнајде решение за лошата финансиска состојба во која се најдоја. Од Здружението на младински фудбалски школи, истакнуваат дека имаат конкретни предлози, но и критериуми, кои сакаат да ги достават до надлежните спортски институции во земјава, се со цел надминување на кризата во која се најдоја клубовите.

Да ни се излезе во пресрет на сите младински школи во Македонија, бидејќи во ваква ситуација и ние со младинските школи не можеме да бидеме активни. Имаше најава дека ќе им се помогне на клубовите, а ние се надеваме дека во тие мерки ќе се најдеме и ние. – вели тренерот на Младинската школа на ФК Камењане.

Како што се вели во барањето на Здружението на младински школи, во овие клубови тренираат околу 6000 деца на возраст од 7 до 15 години. Нивните тренинзи и натпреварувања во моментов се прекинати поради вонредната состојба, и се доведува во прашање финансиската егзистенција не само на клубовите, туку и на тренерите и на ангажираните лица.

Powered by Live Score & Live Score App