Наплив на позитивни пациенти за анализи во Лабараторијата на Здравствен дом во Гостивар

Тимот од Лабараторијата на Здравствениот дом во Гостивар со полни раце работа. Откако се воведоа анализите на Д-Дмери за корона позитивни на државен трошок, врие од пациенти. Дневно бројката се движи од 80 до 90. Тие се распоредуваат во посебен термин за да се избегне контак со останатите граѓани кои доаѓаат за други проверки на крвта. И денес во времето предвидено за работа со позитивни пациенти, имаше гужва пред влезот на Лабараторијата. Заболените имаат потреба да ги контролираат параметрите и повеќепати, за да се следи дали терапијата делува.

„Често се случува за исти пациенти по два, некогаш и по три пати во неделата да се вршат проверки. Особено за хоспитализираните пациенти, кај кои цело време се следи состојбата, колку и како делува терапијата. Организираме прием на позитивните пациенти, после редовниот прием за да се избегне контакт на инфицираните со другите пациенти“, рече Абдулкадар Алији, раководител на Лабараторија Здравствен Дом.

Испитувањето на Д-Дмерите е важно за да се добие јасна слика за најчестите компликации при ковид, односно дали има згрутчување на крвта. ЦРП-то пак, се проверува за да се открие воспалителен процес.

Сите анализи за ковид пациентите кои имаат соодветен лекарски упат во Лабараторијата се покриени од Фондот за здравство. На приватно анализа на Д-Дмери се плаќа по 1.000 денари