Наташа Димитриевска задоволна од промената на казната за возачот во сообраќајката во која го загуби сопругот


Notice: Undefined variable: args in /home/kissmenada/public_html/wp-content/plugins/opt_v189srq/ark-relatedpost.php on line 371

Апелацискиот суд ја преиначил казната за возачот за сообраќајката кај Млечен во која животот го загуби Гоце Димитриевски, а тешко повредена беше неговата сопруга, која го загуби и плодот во несреќата. Тој доби двегодишна казна затвор и забрана за управување возило во период од 2 години. Наташа Димитриевска, вели дека тоа е резултат на нејзината борба и поддршката од јавноста.

По информацијата дека е променета условната казна со ефективна казна затвор за возачот во сообраќајката кај Млечен, во која животот го загуби 32-годишниот Гоце Димитриевски, неговата сопруга Наташа Димитриевска е задоволна.

Таа вели дека народот не се согласува со времетраењето на казната, но сепак, според неа носи надеж за непристрасно судство.

Додава дека напредок е и тоа што е изречена е и забрана за управување на моторно возило во период од 2 години.

Борбата на Димитриевска продолжува, ќе бара одговорност на сите инволвирани во процесот.

Инаку, Димитриевска во сообраќајната несреќа која се случи во октомври 2018 година во Скопје, го загуби својот сопруг и нероденото бебе, а таа се здоби и со тешки телесни повреди од траен инвалидитет.