Нови садници за почист Гостивар

Дворната површина на основното училиште „Гоце Делчев“ во Гостивар, која е пространа, но нефункционална, да се претвори во парк. Ваква е идејата на екологистите, а првиот чекор за нејзина реализација беше направен денес со засадување на 30-тина дрвца. Акцијата ја покрена Валентина Штерјоска, од еколошкото здружение ГвЕко, со цел Гостивар да има што повеќе зеленило и почист воздух.

„Целта е да имаме што повеќе зелени површини во Гостивар, тоа го сакаме сите. Како што гледате овој двор е запуштен и како еко активисти имаме желба да го претвориме во парк, за што ќе треба да се направи ревизија на урбанистичкиот план, затоа што тука се предвидени некои градежни парцели“, рече Валентина Штерјоска од ГвЕко.

Садниците се обезбедени со донација од Монтенегро, а екологистите велат дека тоа треба да служи како пример сите компании да се вклучат во мисијата за здрава животна средина.

Денешната еко акција во Гостивар се спроведе со поддршка на јавните претпријатија Комуналец и Паркинзи и зеленило.

Leave a Reply

Your email address will not be published. Required fields are marked *

error: Content is protected !!