Од денес започнува Велигденскиот пост

Од втори март започнува големиот Велигденски пост. Постот трае вкупно 48 дена и е еден од најстрогите во годината.

„Овој пост започнува на 2 март и е еден од најстрогите постови. Се пости од понеделник до петок без зејтин, сабота и недела на масло, празници на масло, а единствено риба е благословено да се јаде на Благовештеније и Цветници“, вели отец Александар.

Отец Александар од тетовско-гостиварската епархија, објаснува што всушност претставува постот и како правилно треба да се пости.

„Постот е љубовно воздражение, се возджуваме од некои видови храна кои ќе ни помогнат во духовниот живот. Не затоа што храната е скверна, туку затоа што имаме послишност кон црквата, бидејќи се смета дека ако воздржуваме од таа храна ќе достигнеме да се избориме со страстите. Телесниот пост е само еден аспект од постот, а духовниот претставува борба со сопствените слабости. Борбата доаѓа најнапред преку светата тајна исповед. Така што секој што пости, треба прво да се исповеда кај свештеник“, вели отец Александар.

Постојат и одредени отстапки во зависност од животните околности на луѓето, како на пример за луѓето кои работат тешка физичка работа, бремените жени или болните.  Токму затоа, како што вели отец Александар, потребно е верниците да пристапат кон исповед, а свештеникот да го одреди правилото на постот врз основа на случајот.

„Бог да ни даде сили да ја поминеме добро оваа света четириесеттница и да се удостоиме да се поклониме на светото Христово воскресение – Велигден“, вели отец Александар.

error: Content is protected !!