ОК „Универзитет Тетово“ со големи амбиции

Одбојкарскиот клуб Универзитет Тетово актѕивно се подготвува за продолжението на првата одбојкарска лига. За таа цел од клуб беа ангажирани неколку квалитетни одбојкари, од кои се очекува клубот да се замеша во борбата за врвот на табелата. Нови имиња во тетовскиот прволигаш се македонските репрезентативци Клопчевски и Стошиќ, потоа репрезентативецот на Косово Адриатик Бериша, а најавени се и уште неколку квалитетни одбојкари. Воедно, соработкјата беше продолжена со Дарко Ангеловски, македонскиот репрезентативец кој и во есенскиот дел од сезоната настапуваше за Универзитет Тетово.

„Имаме одлични услови за работа со екипата, што не е случај со другите екипи во земјава. Во тој поглед функционираме одлично. Амбициите се пласман во првите три на табелата, се друго би било неуспех за нас“ – рече Дејан Симоски, тренер и играч на ОК „Универзитет Тетово“.

Одбојкарите на Универзитет Тетово есенскиот дел од првенството го завршија на 4-тата позиција на табелата. Првнството во првата одбојкарска лига на Македонија продолжува кон средината на идниот месец, односно викендот 15 и 16 Февруари.

error: Content is protected !!