Пазарот во Гостивар ќе биде отворен во вторник

Гостивар изминатите десет дена нема новозаболени од коронавирус. Состојбата е под контрола, заклучија институциите на денешниот состанок на Кризниот штаб. Олабавувањето на рестриктивните мерки во однос на скратувањето на полицискиот час беше оценето како добар чекор. Од идниот вторник повторно ќе работи големиот градски пзар, кој превентивно беше затворен пред еден месец.

„Пазарот повторно ќе профункционира во вторник. Со сопствениците се договоривме да се преземат неопходните мерки за заштита. За сите продавачи на тезгите ќе се обезбедат заштитни маски, а ќе се внимава и внатре да нема истовремено голем број на луѓе кои доаѓаат да пазаруваат. Исто така, на влезот ќе се делат заштини маски за купувачите.“, изјави градоначалникот Арбен Таравари.

Иако во статистиката на Министерството за здравство регионот на Гостивар се води со вкупно 14 заразени со корона, поконкретните податоци што ги добиваме од овдешните медицински служби зборуваат за помала бројка. Во Општина Гостивар актуелно има 5 позитивни лица, а во Општина Врапчиште 4.

Двајца пациенти од Гостивар веќе имаат по два негативни теста, што значи дека се излекувани.Во евиденцијата на Министерството се вметнати и две лица од тетовско Боговиње, чии тестови биле направени во Гостивар, како и една пациентка по потекло од село во Општина Врапчиште, но со место на живеење во тетовско.

error: Content is protected !!