Полицијата продолжува со засилените контроли на возилата кои вршат јавен превоз на патници

Притоа 7 сопственици на возила заработиле кривични пријави бидејќи не поседувале лиценци за ваков превоз.

Вчера во периодот  од 12 до 16 часот и 30 минути, полициски службеници на СВР Тетово-Полициска станица за безбедност на патниот сообраќај Тетово, спровеле засилени сообраќајно-контролни активности на возила кои вршат јавен превоз на регионалните патишта Тетово-Јажинце и Тетово-Пирок.

При контролата биле откриени и законски санкционирани 7 возила, кои не поседувале лиценци за ваков превоз. На нивните сопственици изготвени им се соодветни кривични пријави согласно член 284 а од Кривичниот законик.

Во исто време била спроведена засилена контрола и на магистралниот пат Гостивар-Кичево, со која биле опфатени вкупно 12 автобуси и комбиња, но не биле откриени возила без лиценца, односно други прекршоци.

error: Content is protected !!