Празни улици за време на полицискиот час во Гостивар

Да беше ова глетка од вообичаено сончево априлско попладне, атмосферата низ Гостивар ќе беше сосема поинакви. На топлото време, градот ќе „вриеше“ од луѓе – кој излезен за прошетка, кој на пат кон дома од работа. Но, Гостивар, како и целата Македонија и поголемиот дел од светот периодов ја живее во услови на панедемија на коронавирус и сончевите денови имаат поинаков тек. Од 16 часот почнува полицискиот час. Улиците се празни и пусти. Наместо раздвиженост од граѓани може да се видат само по некое куче и гулабите на градскиот плоштад.

Полициски екипи вршат контрола колку се почитува ограничувањето на движењето, а комуналните работници не престануваат да се грижат за хигиената во градот.

„Организирани сме во неколку смени и јавните површини редовно се чистат. Навечер, по 21 часот почнуваме со миење и дезинфекција на улиците“, вели Исак Лазами, директор на ЈП Комуналец.

Општина Гостивар отвори и телефонски броеви на кои граѓаните може да се јават и да побараат набавка на неопходни лекови или други продукти, кои општински мобилен тим ќе им ги дистрибуира до дома. При тоа трошокот за набавка го покрива самиот граѓанин, а доставата е бесплатна. Телефонските броеви се: 072 577  713  и 072 577 741

Иста услуга овозможува и мобилна екипа на општинската организација на Црвен крст во Гостивар.

error: Content is protected !!