Ракомет: Австрија – Македонија 32-28

Ракометната репрезентација на Македонија забележа тежок пораз од домаќинот Австрија во рамки на третото коло на Европското првенство. Конечниот резултат од 32-28 за Австрија на крајот значеше чесен пораз за нашите ракометари со оглед на тоа што домашните на моменти имаа и предност од 11 голови разлика. Македонија лошо го отвори натпреварот и уште од стартот им дозволи на австриските ракометари да наметнат свој ритам, за кој немавме решение во одбраната. Со овој пораз Македонија за прв пат после Европското првенство во Италија во 1998 година е елиминирана уште во првиот круг и настапот го завршува на 15-тото место на конечниот пласман, што воедно претставува наш најслаб резултат на шестте Европски првенства на кои настапивме. Со пласманот на 15-тата позиција, македонските ракометари си го искомпликуваа и патот до Светското првенство во Египет, со оглед на тоа дека сосгласно пласманот Македонија ќе биде во групата на неносители во баражот за пласман на светскиот собир.

На вториот натпревар во групата Б, Чешка очекувано ја совлада Украина со 23-19. На конечната табела Австрија и Чешка завршија на првите две позиции со 6, односно 4 бодови и го продолжуваат настапот на Европското првенство. Македонија го освои третото место со 2 бодови, додека Украина заврши последна, четврта во групата Б, без бодови.

error: Content is protected !!