Ракомет: Македонија – Украина 26-25

Македонската ракометна репрезентација со победа го започна настапот на 14-тото Европско првенство. Нашата репрезентација синоќа многу потешко од очекувано ја совлада Украина со минимални 26-25. Македонија речиси во целиот натпревар имаше контрола над резултатот, на моменти и висока предност од 5 голови разлика. Сепак, во последниот дел од натпреварот како да дојде до опуштање во нашите редови, што го искористија украинците за да дојдат до израмнување. Во последната минута од натпреварот се влезе со 25-25, но и напад за победа на Македонија. Најдобриот македонски ракометар, но и најискусен, капитенот Кирил Лазаров ја презеде одговорноста и со прекрасен погодок во последните моменти од мечот донесе победа за Македонија. Кирил Лазаров воедно беше и најпрецизен во нашите редови со 8 погодоци, сите од игра, додека Дејан Манасков постигна 6 голови. Одличен на голот на Македонската репрезентација беше Никола Митревски кој забележа 15 интервенции.

Следниот натпревар на Европското првенство, нашата репрезентација ќе го одигра утре со почеток во 16 часот, а за противник ќе ја имаме незгодната селекција на Чешка.

На вториот натпревар од групата Б, домаќинот Австрија забележа победа од 32-29 против репрезентацијата на Чешка.

error: Content is protected !!