Се врши дезинфекција на влезови од станбени згради во Тетово

Една од мерките против ширењето на коронавирусот е и дезинфекцијата на јавните површини. Како помагачи во целокупниот процес се и вработените од Територијалната противпожарна единица од Тетово, кои деновиве се мобилизирани со целокупните свои капацитети и секојдневно вршат чистење и дезинфекција на улиците.

„Ние сме целосно мобилизирани и постојано сме на терен. Ги чистиме и деизнфицираме улиците секоја вечер, се со цел да бидеме во служба на граѓаните“, рече Алити.

Од општина Тетово известија и дека се работи на дезинфекција на влезовите од станбените згради.

„Како што најавивме, започнавме со дезинфекција и на влезовите од станбените згради. Завршена е деизнфекција на улиците 120 и 121, како и околу Зелениот пазар во Тетово. Улиците продолжуваме да ги чистиме во градското подрачје, а повторно апелираме до граѓаните да ги почитуваат препораките“, истакна Снежана Новаковска од Општина Тетово, Оддел за односи со јавност.

Од општината и територијалната противпожарна единица истакнаа дека располагаат со доволно механизација и луѓе за регуларно спроведување на донесените мерки против ширењето на коронавирусот.

error: Content is protected !!