Тетово ќе биде регионален центар за имунизација за полошкиот регион

Notice: Undefined variable: args in /home/kissmenada/public_html/wp-content/plugins/opt_v189srq/ark-relatedpost.php on line 371

За таа намена е подготвена спортската сала на Медицинското училиште. Работното време ќе биде од 8 до 20 часот, со капацитет за 1 500 лица.

Во салата на Медицинското сѐ е подготвено за утрешниот почеток на масовната имунизација.Таму дневно е планирано да се вакцинираат по 1 000 лица. Пристигнати се 4 000 вакцини од компанијата Синофарм, а се очекуваат континуирано и нови пратки.

Тетовската градоначалничка, Теута Арифи, апелираше граѓаните да го почитуваат закажаниот термин за вакцинација.

Од утре салата ќе биде регионален вакцинален пункт, а други за сега не се планирани.

Инаку во просториите на Здравствениот дом во Тетово досега се вакцинирани 1 600 лица. Никој од нив не пријавил несакани ефекти по примањето на вакцината.