Традицијата продолжува – избор на Велигденско јајце преку интернет

Традицијата продолжува – по стапките на телевизија „Кис“ која 24 години го организираше изборот на најубаво Велигденско јајце, и телевизија „Кис и Менада“ годинава, за најголемиот празник на православните христијани Велигден, ќе го реализира изборот, но овојпат преку социјалните мрежи.

„Изборот на најубаво Велигденско јајце телевизија Кис го реализираше 24 години. Тоа предизвикуваше огромен интерес кај граѓаните, особено децата се радуваа кога ќе дојдеа во просториите на телевизијата и ќе го покажеа сработеното. Сето тоа немаше да се оствари без поддршката на локалните компании и бизниси кои како награда секогаш нудеа дел од своите производи и услуги“, вели Данијела Билбилоска, новинар во ТВ „Кис и Менада“, која повеќе години била дел од проектот на ТВ „Кис“.

Граѓаните, особено дечињата, ќе имаат можност да ја покажат својата креативност и да го презентираат нивното Велигденско јајце од дома, заради вонредната состојба со коронавирусот. Тоа ќе може да го сторат со испраќање на фотографии и видеа на „Фејсбук“ страницата на „Кис и Менада“.

„Годинава, изборот ќе се реализира преку социјалните мрежи, телевизија Кис и Менада продолжува со традицијата. Заради вонредната состојба, гледачите ќе може да не следат на социјалните мрежи и да учествуваат во изборот“, истакнува Билбилоска

Гледачите ќе можат да ги следат сите информации и детали поврзани со изборот и наградите на „Фејсбук“ страницата на телевизија „Кис и Менада“.

error: Content is protected !!