Трибина на Унија на млади на ВМРО ДПМНЕ во Гостивар

Вчеравечер во Гостивар се одржа трибина во организирација на Унијата на млади сили на ВМРО ДПМНЕ. Учесниците потенцираа дека младите иднината треба да ја гледаат во својата земја, а не надвор од неа.

Каква е иднината на младите во Македонија и што треба да се преземе за да се спречи иселувањето? Ова беа темите на кои се дискутираше на трибината во Гостивар.

Пратеничката од Гостивар, Дафина Стојаноска потенцираше дека младите се движечката сила во општеството и мора да им се даде шанса да ги покажат своите квалитети.

„ВМРО-ДПМНЕ како конзервативна партија секогаш се залага за негување на семејните вредности. Младите треба да ја гледаат својата иднина овде, во Македонија, а не надвор од неа, како што се случува. За да им се обезбедат услови и да им се пружи шанса да успеат во својата родна земја, државата треба да ја води партија што се грижи за доброто и интересите на младите и сите граѓани, а не некој што води демотивирачки и деструктивни политики.“, рече Стојаноска.

На трибината во Гостивар свое обраќање имаше Иванка Василевска, член на Извршниот комитет на ДМПНЕ, која нагласи дека партијата се бори за интересите на земјава и дека секој што сака да се придружи во таа мисија е добредојден.

error: Content is protected !!