Три нови случаи на коронавирус во Гостивар

Регистрирани се три нови случаи на коронавирус на подрачјето на Општина Гостивар, две деца и повозрасна жена. Новозаразените се поврзани со вчера регистриранот позитивен брачен пар и се работи за семеен кластер. Во меѓувреме се прават епидемиолошки анкети и се издаваат решенија за изолација на лица кои биле во ризичен контакт со заболените.

„Вчера и денес имаме вкупно 5 позитивни случаи, за среќа тоа се членови на едно семејство и случајот е поизолиран. Брачниот пар е на инфективното одделение со лесна симптоматологија, додека другите три члена се во домашни услови. Како болница и медицински лица од наша страна се преземаат сите неопходни мерки. Се надеваме дека не очекува полесен период од заразата, но се зависи од односот на граѓаните. Не треба многу, само да се носи заштитна маска, да се одржува хигиена и да се држи социјална дистанца. Се надевам дека граѓаните ќе ја сфатат ситуацијата малку посериозно и мерките ќе се почитуваат“, апелираше директорот на гостиварската болница, Јакуп Јакупи.

Минатата недела, состојбата со Ковид 19 во регионот на Гостивар беше нормализирана, но растот на заболени деновиве покажа дека институциите треба постојано да бидат на готовс. Од граѓаните пак се бара сериозно да ги сфатат апелите за почитување на мерките, за да се спречи натамошно ширење на вирусот.

Освен брачниот пар, на инфективното одделение во гостиварската болница од Ковид 19 се лекуваат уште тројца пациенти и тие се во стабилна состојба.

Од почетокот на пандемијата до сега, во трите општини Гостивар, Врапчиште и Маврово Ростуше направени се околу 400 тестирања, од кои вкупно 32 биле позитивни. Регистрирани се три смртни случаи, оздравени се 18 лица, меѓу кои и петте здравствени работници, а моментално има 11 активно болни.

error: Content is protected !!