„Турски документи за историјата на Македонија, пописи од 19 век – Скопски Санџак, Тетовска Каза“

„Турски документи за историјата на Македонија, пописи од 19 век – Скопски Санџак, Тетовска Каза“ – вака е наречена книгата на авторите д-р Музафер Бислими, д-р Аднан Шериф и м-р Исфете Ибраими, која синоќа беше промовирана во Тетово. Настанот го организираше фондацијата „Екај“ и Државниот архив на Република Северна Македонија. Во рамки на промоцијата, беше отворена и изложбата „200 илјади Југословени – иселеници“ – истражување на новинарот м-р Муртеза Сулооџа. Доцент д-р Аднан Шериф истакна дека најзначајно е тоа што во книгата се објавени податоци од попис на населението во Османлиската држава и бил налик на денешните пописи.

Шериф вели дека се работи за навистина обемен материјал бидејќи Тетовската каза покривала голем регион се до Гостивар и околината.  Во следниот период се очекува и книгата за пописот на христијанското население. Книгата беше промовирана во просторијата на Уметничката галерија во Тетово, а  е објавена на македонски и албански јазик.