ФК Ренова започна со тренинзи

Фудбалскиот клуб Ренова започна со тренинзи пред најавеното продолжение на првата македонска фудбалска лига. Тренинзите се одвиваат според протоколот за тренинг, кој во првата фаза предвидува индивидуални тренинзи и тренинзи во помали групи. Според Шефот на стручниот штаб на Ренова, Бујар Исљами, ќе биде многу тешко да се подготват играчите во овие услови.

Тренерот на Ренова, смета дека при носењето на одлуката за продолжување требало да се земе во предвид и здравјето на играчите, но и на сите вклучени во фудбалот, со оглед на тоа дека за време на натпреварите не е можно држење на дистанца.

Според одлуката на Комисијата за натпреварување, првенството во 1. лига треба да продолжи кон средината на месец Јуни.

error: Content is protected !!