ФК Тетекс со 8 нови фудбалери ги започна подготовките

Фудбалерите на Тетекс веќе втор ден активно се подготвуваат за продолжението од сезоната во Третата Македонска фудбалска лига – Запад. Откако клубот избра ново раководство и беше поставен нов Стручен штаб, во Тетекс пристигнаа дури 8 нови фудбалери. Најзвучно име помеѓу новите фудбалери е Леон Најдовски, поранешниот младински репрезентативец на Македонија, кој во Тетово пристигна од редовите на прилепска Победа. Големо засилување треба да биде и искусниот Леонард Калаба, кој пристигна од ФК Гостивар, како и голманот Амир Јашар од ФК Скопје. Покрај овие фудбалери, нови имиња се и Роберт Димитриески од ФК Љуботен, како и четворицата фудбалери кои пристигнаа од ФК Трабзонспорт од Горна Бањица: Владимир Секуловски, Амир Бислими, Ердин Беќири и Газменд Љоки.

Тренинзите на фудбалерите на Тетекс се одвиваат на терените во Брвеница и Јегуновце, а од следната недела предвидено е и одигрување на неколку контролни натпревари.

Првенството во 3. лига – Запад ќе започне во втората половина на месец март.

error: Content is protected !!