Фудбалските второлигаши бараат помош од државата

17 од 20 второлигашки екипи од двете групи, Исток и Запад се обратија во Владата на Македонија и државните институции со барање за еднократна финанска помош. Фудбалските второлигаши, како што наведуваат во барањето, се наоѓаат во тешка финансиска состојба поради прекинот на првенството и неизвесноста дали и кога ќе продолжат натпреварувањата.

Претседателот на Дрита истакнува дека најдобро во моментов ќе биде првенството комплетно да биде прекинато, прволисарираните екипи од двете групи да влезат во 1. лига, а двете втори лиги без испаѓање да бидат проширени, се со цел да се намали финанскиската криза во која се најдоја екипите.

Доколку првенството продолжи, тоа ќе значи дека најмалку еден месец треба да има подготовки. Сето тоа чини пари, треба да се реализираат подготовките, треба да се исплатат хонорари на играчите, тренерите и сите ангажирани лица во клубовите. – вели претседателот на ФК Дрита од Боговиње, Сафет Мифтари.

На барањето за финансиска помош нема потпис и печат единствено од екипите на Кораб од Дебар, Охрид Лихнидос и Лабуништа 2011. Како што истакнуваат од здружението на второлигашите, екипата од Дебар ја поддржува иницијативата, но не била во состајба да се потпише поради кризната состојба која е воведена во тој регион, а останува нејасно зошто останатите две екипи не се потпишани на барањето.

error: Content is protected !!