Хуманитарните пакети од сите организации во Гостивар ќе се делат преку Црвениот Крст

Хуманитарните активности на сите невладини организациии за помош на социјално загрозените семејства во Гостивар, Врапчиште и Маврово Ростуше ќе се спроведуваат заеднички и координирано. Процесот ќе го води гостиварскиот Црвен Крст.

Целта е хуманитарите пакети да бидат дистрибуирани до граѓаните на безбеден начин со што се намалуваат ризиците од ширење на коронавирусот.

„Одржавме заеднички состанок со сите невладини организации на подрачјето на трите општини. Јас сум им многу благодарен за активностите што ги прават, знаеме колку е важно да се помага, особено во тешки и кризни времиња. Донесовме заеднички заклучок, дека сите активности треба да се спроведуваат синхронизирано, за да биде побезбедно за граѓаните. Процесот ќе го раководи Црвениот Крст, а ќе му помага посебно формиран Совет за таа намена. Со Советот раководи АДИ, како најстара организација во Гостивар.“, информираше градоначалникот Арбен Таравари.

Активистите и волонтерите коишто ќе ги носат пакетите со храна и средства за хигиена до загрозените семејста, ќе поминат низ посебна обука.

Инаку, состојбата со коронавирусот на гостиварското подрачје до денес напладне, остана непроменета. Не се регистрирани нови позитивни случаи, а се очекува единствената потврдена пациентка од Гостивар да се прогласи за излечена, со негативен контролен тест.

error: Content is protected !!