17 прекршувања на полицискиот час во Гостивар и Тетово за Први мај

Вчерашниот првомајски празник донесе зголемен број на прекршувања на полицискиот час на полошкото подрачје. Според податоците од СВР Тетово, вкупно 17 граѓани не ја почитувале забраната за движење. Од нив, 14 на тетовското и 3 на гостиварското подрачје. Сите ќе се соочат со соодветни кривични пријави за непостапување според здравствени прописи за време на епидемија.

Во изминатото деноноќие, Државниот санитарн и здравствен инспекторат издал 11 нови решенија за изолација, сите во Тетово. Изјави за самоизолација потпишале 4 лица во Гостивар и 7 во тетовскиот регион. Во контролите на полицијата на сите граѓани коишто се во изолација со решенија, или со писмена изјава за домашна самоизолација, не се евидентирани никакви прекршувања. 

Во изминатите неколку дена, полициските службеници контролираат и колку се почитува задолжителното носење на заштина опрема на лицето, маска, шал или марама. Вкупно на полошкото подрачје за прекршување на оваа мерка усно или писмено биле предупредени стотина граѓани. Во последното деноноќие издадени се 17 предупредувања, сите на лица од тетовско, кои не ги покриле носот и устата со заштита.

error: Content is protected !!