25 песнички за 25 години „Јаболчиња“

Под заштитни наски, мерење температура на самиот влез и дезинфекциски средства – за прв пат „Јаболчиња“ се одржа на отворено – 25 годишнината од детскиот фестивал се прослави во Музичкото училиште „Тодор Скаловски“ во Тетово, со почитување на сите здравствени протоколи. Присуствуваа само најблиските на младите изведувачи, а организаторот Никола Димовски Тмница вели дека замислата за 25 годишнината не била ваква, но сепак на задоволство на дечињата, фестивалот се одржа според сите соодветни мерки за заштита.

Текстописецот на песничките Слободанка Ничевска, смета дека и покрај годинешните услови и околности, фестивалот поминал одлично.

Беа изведени 25 песнички, а кај дечињата не можеше да се сокрие задоволството што повторно заедно настапуваат и ги пеат своите хитови – овој пат само пред најблиските и со почитување на мерките за заштита.

error: Content is protected !!